Aga’i le Malo e Fofō le Fa’aletonu ua oo iai Aoga i Samoa
2026-01-25 - 21:09
Ua faataatia mai e le Palemia fuafuaga uma o le a agai atu iai le Malo, i se taumafaiga e fofō faafitauli ua tula’i mai i le faatinoga o aoaoga mo fanau Samoa, e tusa ai ma iuga o suega i le tausaga na sei mavae atu nei. Saunoa le Susuga i le Laaulialemalietoa Leuatea Polataivao Fosi Schmidt i lana polokalame ma tusitala i le Aso Faraile, ua o’o atu i le Kapeneta le lipoti, ma e lē o se tulaga lelei o lo’o iai le aoaoina o alo ma fanau a le atunu’u. Iuga o le English ua faaletonu..” “Iuga o le Mathematics ua matuā telē le faaletonu..” Na tā’ua foʻi e le Palemia, e le‘i lava ona maitauina i tausaga ua mavae le telē o lenei faaletonu, lea ua toe atagia mai fo’i i i’uga o suega o le tausaga ua tuana‘i atu. “Ua maitauina ai le toatele o tamaiti ua lē papasi..” Saunoa le Palemia e faapea, i totonu o le 50 tausaga ua mavae, sa iai suiga na faia i totonu o le Matagaluega o Aoga, ma o ia fesuiaiga, ua atagia mai ai le tele o faafitauli, lea ua tulai mai i aso nei. O nisi o suiga sa faatino i tausaga ua mavae e aofia ai le faataatiaga o curriculum, o fesuiaiga i le tapenaina o suega faaiu, o le fa’aitiitiaga o tausaga o tamaiti aoga, o le ave’esea o nisi o vasega maualuga, ma le tele o isi fesuiaga ua na o le fuafua lava ma faatino e aunoa ma se matàitū poo manuia ai le soifua aoaoina o le fanau. O loo fetuuna‘i foʻi e le Malo le tele o aulape ma faafitauli ua tula’i mai i le toaitiiti o faiaoga (teacher shortage). Saunoa Laaulialemalietoa; e le o le fale ae o le anofale. Ua maitauina le tulaga lea ua tele faleaoga, ae ua toaitiiti faiaoga. Samoa’s leading provider of ICT Solutions. Ua lē lava faiaoga i le Matagaluega, ona ua malaga atu i atunuu i fafo isi, ae o nisi ua sui galuega. Saunoa le Palemia; e lē nofonofo le Malo i lenei tulaga. Ua tapena nei le talosaga i atunuu uma o loo fai paaga ma Samoa (development partners) ina ia talosagaina se fesoasoani mo le tulaga ua iai aoga i le atunuu. “Ma ou te lē ma e fai atu Samoa le mea lenei. E tatau lava ona silafia le mea o iai le tulaga lamatia..” O loo faaauau pea le faalauiloa a le NBS seia oo atu i le Aso 31 Ianuari 2026 Saunoa manino le Palemia, e lē tatau ona nātia nei faafitauli, aua e tāua ona faaali manino mai i luma, e mafai ai loa ona fuafua tonu iai gaoioiga a le Malo ae maise o i latou o loo galulue i totonu o aoga. Saunoa le Palemia ua vaivai le faitau tusi (literacy), vaivai le numera (numeracy) ma ua lē toe pei o le tulaga sa masani ona iai.” O lea ua ave ai le fautuaga i le Afioga i le Minisita o Aoga, ina ia toe iloilo ma toe fetuuna‘i tofā ma faataatitiaga uma a le Matagaluega o Aoga. Ua mae‘a ona tapena e le Malo vaega uma e pei o tupe, faleaoga ma meafaigaluega. “Peita‘i, o le anofale le vaega tatou te vaavaai iai..” School Nutrition O loo tapena foʻi e le Malo se poloketi e faamalosia ai aoga amata, ma e aofia ai le polokalame Fafaga Tamaiti i Meaʻai Soifua Maloloina (School Nutrition). O lea fuafuaga sa folafola i taimi o faalauiloa a le vaega faaupufai ao alo atu i faigapalota, e ave le faamuamua i aoga amata ae maise o meaai taumafa a le fanau ina talafeagai. It’s still wedding season in Samoa! Call Delicious Cakes to order yours now.. “O lenei poloketi ua fuafua e amata i le tausaga nei po o le tausaga fou, ma taula’i i aoga amata..” Aoga Amata ma Aoga Faifeau Na faailoa foi le tāua o le amata o aoaoga mai le amataga, e ala i Aoga Faifeau ma aoga Aso Sa. O lea ua toe talosagaina ai Ekalesia ina ia toe faamalosia le sootaga vavalalata ma le Malo. “Ia toe faamaite mai a tatou Aoga faifeau, Aoga Tusi Paia, ma Aoga Aso Sa, auā o inā na amata mai ai a tatou aoaoga.” Faalautele Sikolasipi Na saunoa foʻi le Palemia ua sauni le Malo e faalautele avanoa o sikolasipi, ma ua faatulaga talosaga e ave i atunuu fapaaga ma Samoa, e pei o Niu Sila, Ausetalia, Amerika, Isaraelu, Saina, Suetena, Falani, faapea isi atunuu aaga fou. “All we do is ask,” ina ia maua ai avanoa mo fanau aoga. Na faaiu se saunoaga a le Palemia i fuafuaga mo le faaleleia o aoga i Samoa, ma se faamalosiau (encouragement) mo matua uma. “Afai e manaomia se fesoasoani mo aoaoga a fanau, ina ia logo mai a’u ma le tatou faigamalo. Aoga e matuā manaomia le faaleleia: Leififi College Faleata College Alofi-taoa College Leulumoega College Wesley College Vaimauga College Anoamaa College Mataevave College Falealili College Lotofaga Lepa College Savaii Sisifo College Aana 2 College Nuuausala College Safata College Uesiliana College St Pope Paul VI College Palauli Sisifo College Aleipata College Chanel College Aoga o loo tulaga lelei: Samoa College St Mary’s College Maluafou College Church College Pesega Avele College Faatuatua College St Joseph College Itu-o-Tane College Church College Vaiola Tuasivi College Palalaua College Asau College Le Amosa Lefaga College Robert Louis Stevenson College, Papauta Girls College, Sagaga College Don Bosco College Samoa Advantage Aana 1 College Amoa College