Christopher Landau: Talimalō Samoa i le Sui Failautusi Aoao o Amerika

2026-03-01 - 05:27

01 Mati 2026, Sooupu a le Malo. TAUNU’U MANUIA I SAMOA LE FAIGĀMALAGA A LE SUI FAILAUTUSI AOAO O AMERIKA, SUSUGA IĀ CHRISTOPHER LANDAU [Aso Sā, 1 Mati 2026]. O le afioga i le Sui Palemia o Samoa, iā Toelupe Maoiautele Poumulinuku Onesemo na fa’atalia le taunu’u mai i fanua o le Susuga iā Christopher Landau, o le Sui Failautusi Aoao o Amerika – US Deputy Secretary of State. O le malaga mai ai i Samoa nei, o le ā feiloa’i fa’apitoa ai ma le Ta’ita’i o le Mālō, Susuga i le La’aulialemalietoa Leuatea Polāta’ivao Fosi Schmidt, aemaise o lona afea o nisi o vaega o auaunaga o lo’o fesoasoani mai ai Amerika mo Samoa nei. E tauāluga lea faigāmalaga i le maliega o le ā sainia i le va ma le Palemia o Samoa fa’atasi ai ma se tasi o fesoasoani fa’apitoa a Amerika mo le Matāgaluega o Leoleo, Falepuipui ma le Ola Toe Fuatā’ina. E toe taliu i le po taeao (Aso Gafua) lenei faigāmalaga.