“Faafetai Tele Samoa mo lau Tapua’iga”

2026-03-27 - 08:04

Tusia: Pesetā Tusiga Taofiga, Gvt Press. O le vi’iga ma le fa’afetai i le Atua, e lē fa’aitiitia, ona o lona alofa tausi, ma lona agalelei, ua i’u manuia ai le fa’amasinoga e pei ona feagai ai ma le Ta’ita’i o le Mālō, Susuga i le La’aulialemalietoa Leuatea Polāta’ivao Fosi Schmidt. Ua fa’ailoa manino e le Fa’amasino o le Fa’amasinoga Fa’aitumālō i le asō, le Susuga iā Talasa Atoa-Sa’aga, e mamā le afioga i le Palemia ma nei tu’uā’iga. Na va’aia le tumutumu o le mamalu o le atunu’u i Mulinu’u, i le Ofisa o le Fa’amasinoga i le tālia o le i’uga o lenei fa’amasinoga. O se fiafiaga tele lea i le atunu’u, ona ua i’u manuia ma ua fa’amamāina fo’i tu’uā’iga fa’asaga i le afioga i le Ta’ita’i o le Mālō. E pei ona folasia e le Faamasinoga, sa taumafai le Palemia e fesoasoni i suesuega a leoleo, ae le o se solitulafono. Na momoli le fa’afetai fa’apitoa a le afioga i le Palemia le susuga i le La’aulialemalietoa, i le tapuā’iga a Samoa aoao, i le tapuā’iga leoleoa ma le nofo tatalo a’o fa’atali ai le i’uga o lenei fa’amasinoga. Na ia fa’afetaia fo’i le pa’ia i le ‘āiga Fa’amasino, ona o le galuega fītā, ma le fa’afoefoeina o lenei matā’upu ua tini taunu’u ai i manū. National Bank of Samoa Customer Satisfaction Survey! “TELL us about your experience with NBS Digital & In Branch Services” – Fill out form