Faatalanoa i le Fonotaga Faaletausaga a Faiaoga le Faaletonu o le Tulaga Aoaoina o le Fanau

2026-01-25 - 21:09

O le a faatalanoa i le fonotaga faaletausaga a faiaoga le tulaga faaletonu o loo iai le tulaga aoaoina o alo ma fanau Samoa. Lea e atagia mai i iuga o suega a fanau i tausaga taitasi, e le gata i iuga o suega o le Vasega 8 ae faapea le Vasega 12 mo kolisi maualuluga. O le vaiaso lenei o le a amata aloaia ai le fonotaga faaletausaga a le Sosaiete a Faiaoga a le atunuu e pei ona faamautu mai e le Minisita o Aoga ma Aganuu, Hon Aiono Dr. Alec Ekeroma I lana faatalanoaga i luga o le polokalame Fesilafaiga ma le Malo. Na faaalia le faanoanoa tele o le Minisita i le tulaga o loo iai faaiuga o suega tāua a fanau aoga i Samoa. “E ta’u sa’o atu lava e lē o fiafia le Palemia i results ia, e o’o foi ia te a’u ou te lē o fiafia foi iiai.. “Atonu a vaai iai faiaoga e lē fiafia foi iai, atonu o se lu’i mo tatou poo le a le vaega ua mafua ai, pe tatau ona toe aumai nisi courses mo faiaoga..” Saunoa Aiono e to’a 1,372 le a’ofai o tamaiti na su’e i le suega o le Vasega 12 i le tausaga na tea nei. “O le 57% o tamaiti na sue ua ausia le 200 togi o le English ma latou best three subjects, lea ua mafai ona maua avanoa e ulufale atu ai i le Iunivesite Aoao o Samoa.” O le UPY poo le University Prepatory Year, o le avanoa lena e ulufale atu ai le fanau mo aoga maualuluga poo le Higher Education i Iunivesite. O le faatusa lea (equivalent) i le Form 7 poo le Year 13 a Niu Sila, lea o loo aoaoina lava i totonu o kolisi maualuluga. O lea numera e atagia mai ai le lata i le afa o le fanau na sue, e le pāpasi. Samoa’s leading provider of ICT Solutions. Saunoa Aiono a faatusatusa atu i tausaga ua mavae o lana maitau ua fai lava si faaletonu, ae maise lava pe a su’esu’eina ma silasila toto’a i fainumera. “A auiliili loa numera e pei o le Maths mo le Vasega 12, ua faaletonu lava le pass rate i tausaga ua mavae e oo lava i le tausaga na tea atu nei..” I le tulaga o le Igilisi, e na o le 25.5% o le fanau Year 8 na pāpasi. O le tausaga 2023 sa matua’i faaletonu ai – na o le 19% (18.8) le fanau Year 8 na pāpasi. Saunoa le Minisita, “O lona uiga e iai le mea o loo tupu i lalo o le Primary School, e tatau ona toe vaai iai ma su’e se fofo o le faafiatuli lea..” Ta’ua e le Minisita o se tasi lea o mataupu o le a laualuga i le fonotaga o le a amata aloaia i le Aso Gafua 26 Ianuari. Saunoa Aiono o se tasi o fuafuaga ua silasila iai le Matagaluega o Aoga ma Aganuu e silasila i nisi aoga o loo maualalo le fuainumera o tamaiti aoga. “O loo iai foi le mafaufau pe le tatau ona tuufaatasi nisi aoga aemaise lava aoga o lo’o laiti tamaiti aoga.” “E 172 aoga i totonu o Samoa ae mai lena fainumera, e 85 aoga e i lalo ifo o le to’a 200 tamaiti aoga..” “E iai aoga na o le 40 tamaiti, o lona uiga e na’o le le toalua lava faiaoga e manaomia.” O le isi vaega taua sa saunoa iai le Minisita o tapenaga a matua ma faiaoga i le toe a’e o aoga i le vaiaso fou. Visit our website today and invest in your future. “Atonu o loo tapena matua e saili seleni e faatau ai seevae, o ato aoga ma ofu aoga a le fanau, e le gata i aoga amata faasolo atu i kolisi, ma atonu o loo popole matua ae faapea foi le fanau. “Ae taua tele i matua ona taumafai e faaa’e fanau i aoga ona o lea lava tatou te iloa e iai lava isi fanau e lē o i aoga..” Saunoa le Minisita, o nisi o fanau o loo o i aoga ae le o aso uma. “Ae leai ni mafuaaga tatau e mafua ai ona lē ō le fanau i aoga.” “E fautua atu i matua, ona e manatua foi o aoga o le lumanai o le atunuu, auã a lelei le aoaoina o fanau o se atunuu e le gata ina manuia ai aiga, ae faapea foi nuu, ekalesia ma le atunuu pe a lelei le aoaoina o fanau.” “E tāua tele le unai ma fautua i fanau e agai i le aoga i aso uma, e pei o le fautuaga na mo fanau.” Ae mo tapenaga a aoga uma a le Malo, o le talitonuga o le Minisita ua tatau ona ua mae’a tapena uma vaega uma. “O le taimi nei ua tatau ona maea na faamama lotoa ma e le tatau ona toe iai se paipa e liki ma isi vaega.. “Faapea fo’i potu aoga, ia toe foi atu fanau ua mautu uma mai vaega e moomia e le fanau.” O le tele lava o aoga i Samoa, e o atu le fanau aoga faatoa tapena potu aoga ma le lotoa o aoga i le vaiaso muamua, ae leai ni meaaoga poo ni vasega e faia i le aso muamua e a’e atu ai aoga.