Maua Numera a Alii Leoleo i luga o Telefoni a ē ua Molia i Fualaau Faasaina

2026-02-27 - 18:58

O loo faagasolo pea suesuega a le Matagaluega o Leoleo ma Falepuipui i le aafia ai o nisi o leoleo i le mama ai i tua o faamatalaga i osofaiga tau fualaau faasaina. Na saunoa le Alii Palemia le susuga i le Laaulialemalietoa Leuatea Polataivao Fosi Schmidt ina ua fesiliga mo se tala lata mai, o loo iai nisi leoleo faaopoopo ua faamalolo, ae o loo iai fo’i nisi e maua atu a latou telefoni, o loo fesootai ma ē ua molia. https://samoaglobalnews.com/wp-content/uploads/2026/02/VID-20260227-WA0009.mp4 Saunoa le Palemia e le’i oo atu se faaiuga o suesuega, e mautinoa ai se faaiuga e tatau ona fai. Ao faaauau pea suesuega, e to’alua leoleo faaopoopo ua suspend pe faamalolo lē tumau, ae o loo iai fo’i isi o lo’o maua faamaumauga, o lo’o latou fesootai ma ē sa molia poo drug dealers i luga o latou telefoni. “E ese leoleo e toalua ia ua suspend ae iai foi isi leoleo, na maua numera a latou telefoni iā i latou na loka mai.. “O la e fetalanoaa’i ma tagata ia..” Saunoa le taitai o le atunuu e le laititi galuega a le Matagaluega o Leoleo i nei taumafaiga, e le gata o le tafiesea o fualaau faasaina mai le aafia ai o le mamalu o le atunuu, ae faapea le lotoifale o le Matagaluega o Leoleo. “Ua uma foi la ona ou fai i le Sui Komesina e faasolo suesuega i le mea e tatau ona fai..” E lei mautu mai poo a tonu tofiga (ranks) o leoleo e toalua lea ua faamalolo talu ai nei.