“O le Gagana e mamala ma mamana”

2026-03-15 - 08:57

PEPA O FAAMATALAGA VAIASO O LE GAGANA SAMOA 2026. Autü: “O le Gagana e mamala ma mamana”. O le ta gagana na lalaga mai i Matã lãlaga Mamala o le Tatou Tala’aga. O le gagana Samoa o se tasi lea o measina tãua e fa’ailoa ai le fa’asinomaga, tu ma agaifanua ma le aganu’u a Samoa. O le gagana fo’i e momoli atu ai le poto, aganu’u ma le tala’aga o lo tatou atunuu mai lea tupulaga i lea tupulaga. O le autu o le Vaiaso o le Gagana Samoa 2026, O le Gagana e mamala ma mamana, o lo’o fa’amanatu mai ai le mataina ma le tãua o le gagana Samoa i le fa’atumauina o lo tatou fa’asinomaga o tagata Samoa. O lo’o fa’ amanatu mai fo’i e le autu le moni o le upu, o le ta gagana na lalaga mai i Mata lãlaga Mamala o le Tatou Tala’aga o lo tatou atunuu, ma o lo’o fa aauau ai pea so’otaga o nư’u ma afioaga o Samoa. O le Komisi o le Gagana Samoa, o lo’o galulue fa’atasi ma le Matagaluega o A’oga ma Aganu’u, ile taulamua i taumafaiga e fa’amalosia ma fa’alautele le fa’aaogaina o le gagana Samoa. O lenei polokalame fa’ aletausaga e una’ia ai fanau aoga, a’oga ma nu’u ina ia fa’atauaina ma fa atumauina le gagana Samoa e ala i polokalame ma tauvaga fa’aleaganu’u ma fa’alea’ oa’oga. O le polokalame e amata i le aso 16 se’ia oo i le aso 20 o Mati 2026, ma o le a aofia ai tauvaga ma fa’atinoga eseese e feso’ ota’i ma le autu. O vaega autu o tauvaga o solo, tala pupuu, ma fa’afiafiaga a komiti o tina, e fa’aalia ai le matagofie ma le oa o le gagana Samoa. O le a tatala aloa ia le vaiaso o le Gagana Samoa i le Aso Gafua, 16 Mati 2026 i le Malae o Aganu’u i Malifa, ma o le a tala i le saunoaga autu mai le Afioga i le Minisita o A’oga ma Aganuu, Hon. Aiono Alec Ekeroma. Ona soso’o ai lea ma polokalame i Savai’i i aso 18 ma le 19 Mati i le Don Bosco Hall i Salelologa, ina ia mafai ai ona auai a’oga ma nu’u o le motu tele. O le fa’ai’uga aloa’ia o le vaiaso o le a toe faia i Upolu i le Aso Faraile, 20 Mati 2026 i le Malae o Aganu’u i Malifa. O le a aofia ai le fa’asoa e uiga i le tãua o le gagana Samoa fa’apea ai ma fa’afiafiaga fa’aaleganu’u a le Vaega o Aganu’u o le Matagaluega o Aoga ma Aganuu. O le a saunoa fo’i le Afioga i le Minisita o A’oga e tapunia aloaia le faamoemoe. O le Vaiaso o le Gagana Samoa o lo’o avea pea ma avanoa tãua e una’ia ai tupulaga talavou ma nu’ ina ia fa’atauaina, puipuia ma fa aaoga pea le gagana Samoa i aso uma, ina ia tumau pea lona mamala ma lona matagofie mo tupulaga o le lumana’i.