Pāsia le $18.5 miliona tala e tufaina atu i Aoga uma i lalo o le One Government Grant a le Malo

2026-02-12 - 19:50

Ua pasia e le kapeneta le vaega tupe e $18.5 miliona tala mo le polokalame o le fesoasoani tau seleni a le Malo lea e tufaina faaletausaga mo aoga uma i lalo o le One Government Grant O se tasi o mataupu sa faatalanoa i le fonotaga a le kapeneta mo lenei vaiaso e aofia ai le pasia aloaia o le vaega tupe e $18.5 milion tala e faatupe ai le fesoasoani tau seleni mo aoga uma poo le One Government Grant. Prime Minister Hon Laaulialemalietoa Leuatea Polataivao Fosi Schmidt. Saunoa le afioga i le Palemia le Susuga ia Laaulialemalietoa Leuatea Polataivao Fosi Schmidt, o le poloketi e tumau lava i le Matagaluega o Aoga, ae sa masani ona faamatuuina atu lenei seleni i Komiti o Aoga a afioaga taitasi. Lea ua iai se suiga fou – e tuuina atu ai le pulega o le seleni i lalo o Fono Faavae. Saunoa le Palemia, “Pau a le suiga o le Pulega lea laa sifi i Fono Faavae le atoaga o le faasafuaina, ae o le vaevaega e sau lava mai le Ofisa o Aoga”. O lenei seleni e vaevaeina i luga o le fuainumera o fanau aoga poo le lola a aoga taitasi. Saunoa le Palemia, e leai ni suiga tele sei vaganā lava le Pulega, ona o lea sa iai le tele o faasea i pulega lelei a Komiti o Aoga “ua tele lava le pisa na iai nei.” Saunoa le Laaulialemalietoa i suiga ua faataatia e le Malo mo le polokalame. “O fetuunaiga ua fai – o komiti o aoga uma lava sa iai – ua ave uma i lalo o Ofisa o Fono Faavae, ina ia tasi le vaaiga, tasi le silasila e nafa uma i lalo o le taitaifono o fono faavae uma, e faasoasoa mai ai le seleni lea.” Saunoa le Palemia o le a iai ma le Pule Aoga i totonu o le faasoasoaina o lea seleni, ae mataitu lava e le Fono Faavae lona faasoasoaina. E tele vaega o loo silasila iai le Malo mo le lumanai. “E iai ma le fuafuaga o le fafaga fua o fanau aoga, faaopoopo aoga amata, faapolokalameina o aoga amata, ma le tulaga o teuteuga ma le faaleleia atili o aoga mo le tausaga fou.” Greenology is Samoa’s leading provider of ICT Solutions! O le polokalame fesoasoani tau seleni a le Malo mo aoga uma a le atunuu sa amata aloaia i le tausaga e 2010 lea sa faatupe ai e le Malo o Niu Sila ma Ausetalia lea sa faaigoaina i lena vaitau o le Fesoasoani mo pili aoga a fanau poo le Samoa School Fees Grant Scheme. Peitai o le tausaga e 2018 sa faasee ane ai le polokalame e faaauau e le Malo o Samoa. O le tausaga e 2019 sa suia ai le igoa i le One Government Grant. Don’t Miss these February Specials Chinese New Year 17 February 2026