Saunoa le Palemia i le Faaiuga ua Aafia ai le Sui Palemia o le Atunuu

2026-03-25 - 18:33

Sa saunoa le Taitai o le Malo le Susuga i le Laaulialemalietoa Polataivao Fosi Schmidt e momoli se faamalosiau ma se faamafanafanaga i le Sui Palemia ona o aafiga o le faaiuga a le Faamasinoga o Faigapalota lea ua faaleaogaina ai le nofoa a le Sui Faipule a le itumalo o Falealili I, Hon Toelupe Maoiautele Poumulinuku Onesemo. Saunoa le afioga i le Palemia e le mãmã ia te ia le aafia o le afioga ia Toelupe o loo fai ma ona lima tamatau i le tele o vaega i le faafoeina o le Malo. “O le mea manino lava e le mãmã ia te a’u o le taitai o le Malo le tulai mai o le faaiuga o le faamasinoga i le aafia ai o Toelupe.” “E le taugofie ma e faigata foi i le tulaga aloaia ona o le a’afia o se tasi o le kapeneta aemaise o se tasi o lo’o lima taumatau iai le kapeneta ma a’u nei, o le Sui Palemia o le Malo.” Saunoa le Palemia ua lagona lona fa’anoanoa ona o le a’afia o se tasi o poutu o le Kapeneta. “E fa’aali sa’o atu lava lo’u lagona fa’ataitai o le Malo ou te faanoanoa tele, Aisea? ua a’afia se tasi o le kapeneta.. and I feel for Toelupe.” E ui i se lagona fa’anoanoa o le ta’ita’i o le atunu’u, peita’i, na ia saunoa manino lona taliaina o le iuga o le Faamasinoga. “O a’u lava ia o le Taitai o le Malo, ou te ava i le faaiuga ua aumai e le Faamasinoga..” “Ua aumai lava le iuga a le Faamasinoga i le mea ua talitonu ia iai, o ī e taoto ai le faaiuga o le faamasinoga, ae maise le faaiuga a le Faamasino Sili, o ī e taoto ai lana faaiuga i le mataupu lenei.” “Ou te le fa’ataumatatao i le iuga a le fa’amasinoga lea ua sau, o ā foi tulaga o le faaiuga ua oo mai o lea ua tatou faafofoga i ai..” Ssunoa Laaulialemalietoa, e le faigofie ia te ia le aafia o lana Sui Palemia o se tasi o tagata sinia o le Kapeneta ua leva foi ona taumafai mai lona nofoa i le tautuaina o si ona itumalo. O le Matagaluega foi sa feagai ma Toelupe, o loo tauaveina galuega tetele uma mo le atinaeina o le atunuu. “O mea uma ia sa amo e Toelupe o lea ua toe faatietie uma mai i ou luga i le taimi nei..” Ae peitai, o le taimi nei, o loo faamuamua le galuega faamalosiau mo Toelupe i le taimi nei. Saunoa La’aulialemalietoa e momoli faamafanafanaga i le afioga i le Sui Palemia ae faapea foi ma le aiga ae maise o le faletua ma le nofoaalo, faapea foi le Itumalo o Falealili I ma le vaega faaupufai. E lau le iuga o loo malaga Toelupe i luga o tiute faamalo. “Sei taunuu mai ona faasolo lea poo le a le tulaga ua iai le faatulagaga o le iuga.” “Sei taunuu mai le iuga sei vailiili poo le a le tulaga e iai, tulaga o faigapalota, pe mafai ona toe alu i le faigapalota ma tulaga uma faapena – ia, ona toe timata lea o le upega.” Toe 5 aso o le Paū Faapitoa a le SOS mo le masina o Mati. O le fa’aiuga a le faamasinoga o Faigapalota i le mataupu a Falealili #1 sa tuuina mai e le Afioga i le Faamasino Sili i le Aso Lua o vaiaso nei. Sa faamaonia se moliaga e tasi e mafua mai i le tuuina atu e se tasi o komiti a Toelupe o le seleni $150 tala i se ulugalii mai Satalo, ao loma le faigapalota tele i le tausaga ua mavae. National Bank of Samoa Customer Satisfaction Survey! “TELL us about your experience with NBS Digital & In Branch Services” – Fill out form