Silasila le Malo e Faalautele Avanoa Faasikolasipi mo Fanau Aoga

2026-01-25 - 21:09

O se tasi o fuafuaga a le Malo na faalauiloa e le Palemia i lana feiloaiga ma tusitala i le Aso Faraile na tea nei, o le silasila lea ina ia maua fesoasoani faasikolasipi mo fanau aoga ua le gafatia e matua ona faatupe aoga a latou fanau. “Ua tapena foi e faalautele avanoa faasikolasipi ma ua faatulaga talosaga e avatu i isi a tatou development partners i atunuu o loo tatou faipaaga..” “Lea e maua mai le tatou 20 sikolasipi fou mai Isaraelu faapea Saina, Switzerland ma Farani, o lea foi ua tatou mafuta ma le tele o isi a tatou paaga fou e ave iai le fanau.. “All we need to do is ask, e maua mai ai nisi o tatou avanoa..” Fa’aalia e le Palemia ua silia ma le 10 talosaga a matua ua oo atu i lona ofisa mo se fesoasoani. “E talu ona ou taunuu mai i le nofoa lea ou te nofo ai, ua ova atu ma le 10 talosaga o matua e sūsūlu mai e toe faauma aoga a nai a latou fanau na o lava latou faatupe lava e latou..” “Aisea? talu ai e lē maua uma ni avanoa i lalō o le vaega lea e iai le tatou PSC ma le Foreign Affairs...” Saunoa Laaulialemalietoa ua ia ave le faatonuga i le Komisi o Tagata Faigaluega a le Malo (PSC) faapea ma le Matagaluega o le Va i Fafo (MFAT). “O lea la ua ou faatulagaina ai le mataupu fou lenei ma faatonu ai le tatou PSC ma le Foreign Affairs, e tatau lava ona tatou toe saili poo ā isi avanoa..” Na ia faaalia o nisi fanau ua toeititi lava mae’a a latou taumafaiga, peitai, ua le a’ua’u le faasoa a matua. Samoa’s leading provider of ICT Solutions. “O nisi o fanau ia na oo mai matua ia te au, ua toe tasi pe toe lua semesters o loo totoe..” Saunoa Laaulialemalietoa, o nisi o loo feagai i latou ma faailoga taualoa (Masters) ma e tatau lava ona ave le avanoa mo tamaiti o loo naunau (keen). Visit our website today and invest in your future. “Sa ave e latou matua i le 3-4 tausaga talu ai, peitai, e le tumau ai pea le malolosi o matua o la foi e tele a latou mea e fai.” O le naunautaiga o le afioga i le taitai o le atunuu ina ia manuia taumafaiga a fanau aoga uma. Sa fautuaina e le Palemia matua o loo manaomia le fesoasoani mo aoga Iunivesite a fanau, e fesootai atu le Malo. “Ua ou encourage Ia le mea lea a iai a se matua e manaomia le fesoasoani, logo mai a’u ma le tatou faigamalo.”