Tapena Fuafuaga mo se Faleaoga Fou ina ua Āsia e le Palemia le Aoga St. Paul i Tafaigata

2026-03-04 - 05:48

O le taeao nei, sa āsia ai e le afioga i le Ta’ita’i o le Mālō, susuga i le La’aulialemalietoa Leuatea Polāta’ivao Fosi Schmidt le Ā’oga Tulaga Lua a Sagato Paulo [St. Paul] i Tafa’igata. Na savalia e le afioga i le Puleā’oga le Palemia, mo se fesoasoani mo se taumafaiga e toe fa’aleleia ma le fausiaina so latou faleā’oga fou. Ata Pu’eina: Leaosā Fa’aifo Fa’aifo O le afuaga lea, o le asiasiga fa’apitoa a le Palemia faapea le Minisita o Aoga, i lea laumua. Sa fa’ailo ai e le Palemia, o le tasi lenei o auaunaga e tu malosi ai le Mālō ina ia manuia, o le itu tāua ua iai le fesoasoani mo le fa’atupeina o lea atina’e tele, a’o le fesoasoani fa’aauau a Samoa e tumau pea, e lē muta. Saunoa manino La’aulialemalietoa, a mautū, maua’a ma mausalī le fale e malu i ai le ‘anofale, ona mautinoa lea, o le ā leai se fesiligia o le soifua manuia o fanau o lo’o a’oa’oina i totonu o lea ā’oga. I le feiloaiga a le Palemia ma le vasega o Tusitala i le asō, sa faamauina ai fuafuaga o le a toe fausia ai se faleaoga fou mo St Paul, ona e lē talafeagai potu tuai o le falepuipui i Tafa’igata, lea e aooga ai nei le fanau. Na fa’afetaia ma le agaga fa’agae’etia e le Puleā’oga, Faiā’oga ma fanau ā’oga, le amanaia, fa’aaloalogia ma le manatu atu o le Palemia. Ua ta’atia uma ona tuatuagia, ae afio atu e molimauina ma tali valā’au i le talosaga mai a Sagato Paulo [St. Paul] i Tafa’igata.