Taunuu manuia i Samoa le malaga a le Kovana Sili o Amerika Samoa

2026-03-01 - 01:57

Tusia: Pesetā Tusiga Taofiga, Aso Sa 01 Mati 2026. O le taeao nei na taunu’u manuia mai ai le faigāmalaga a le afioga i le Kovana Sili o Tutuila ma Manu’a iā Pulaali’i Nikolao Pula ma Sui o le Mālō i le malae va’alele fa’avāomālō a Samoa i Faleolo. O le afioga i le Sui Palemia, o le Minisitā fo’i o le Matāgaluega o Tupe iā Mulipola Anarosa ‘Ale-Molio’o na fai ma Sui o le Mālō o Samoa e fa’atalia le taunu’u mai o le Kovana Sili. Hon Deputy Prime Minister Mulipola Anarosa Ale-Molioo greets the American Samoa Governor Hon Pulaali’i Nikolao Pula. Na auai ai fo’i ma le afioga i le Ofisa Sili o Pulega o le Matāgaluega o le Va-i-Fafo a Samoa iā Pesetā Noumea Simi ma Sui o lona Ofisa. O puipuiga aloaia sa auai atu ai fo’i ma Malu o le Mālō, Sui o le Pulega o Tineimū ma Fa’alavelave Tutupu Fa’afuase’i [S.F.E.S.A] ma Sui o le Vaega a le So’o’upu a le Malo. O lo’o malaga mai le Kovana Sili mo fonotaga faavaomalo i le aso a taeao. O loo fuafua o le ā feiloa’i ai le afioga i le Kovana Sili o Amerika Samoa ma le afioga i le Palemia o Samoa, Susuga i le La’aulialemalietoa Leuatea Polāta’ivao Fosi Schmidt, e fa’asoa ai matā’upu tāua auā le manuia lautele o Samoa na lua. E toe taliu lenei faigāmalaga i le taeao o le Aso Lua. Faamati Specials at SOS