Tautuanā le Saogalemu i lenei Vaitau Loulouā ma Timuga

2026-02-07 - 02:48

Tusia: Pesetā Tusiga Taofiga, Sooupu a le Malo. I le tutupu mai ai o fa’alavelave fa’afuase’i i le māliliu ai o nisi o le atunu’u mai le sami ma vaitafe a’o i ai Samoa i lenei vaitau o matagi ma afā, ua toe fautua mai ai le Mālō i tagata uma, ina ia fa’aeteete ma fa’amuamua le saogālēmū lautele. E lē tasi se maliu na molimauina i le fa’ai’uga o Iānuari ma le amataga o Fepuari, ae mafua mai ona o fagotaga ma ta’elega ae lē aofia ai si Leoleo na maliu a’o i ai i le fa’atinoga o ona tiute i le gataifale. Saunoa le afioga i le Palemia, Susuga i le La’aulialemalietoa Leuatea Polāta’ivao Fosi Schmidt, e tatau i tagata uma, ona fa’amuamua le soifua ina ne’i ma’imau. E fautuaina le fa’autagia mai o lapata’iga o lo’o tu’uina atu e le Ofisa o Va’aitau, Matāgaluega o Leoleo, Falepuipui ma le Ola Toe Fuatā’ina, Pulega o Tineimū ma Fa’alavelave Tutupu Fa’afuase’i fa’apea le Matāgaluega o le Soifua Mālōlōina, e tu’uitiitia ai nisi fa’alavelave ogaoga e a’afia ai se soifua i le lumana’i. I nisi o i latou ua māliliu ona o ia fa’alavelave fa’afuase’i, saunoa le Palemia; “Ua fa’amaonia mai le maliu ai o se tasi o le Malu o le Mālō i le vaiaso nei, i le sami e fa’apea fo’i i nisi o alo o le atunu’u ua māliliu i tafega o vaitafe. “O se tala taliagatā, ona o lea fa’atoā mae’a ona fofogaina le atunu’u i tu’uālalo ma lapata’iga e fa’aeteete i le loulouā o le tau, a’o lea ua tutupu mai nei fa’alavelave tatou te lē fia va’ai i ai. Hon Laaulialemalietoa Leuatea Polataivao Fosi Schmidt, Prime Minister of Samoa. “E avea ai lenei avanoa, e fai ai a’u ma Sui o le Mālō fa’apea Samoa atoa, e momoli aloā’ia atu ai fa’amaisega a lo tatou Mālō ma le atunu’u atoa, i ‘āiga, ta’ito’alua ma fanau pele o i latou ua māliliu, ona ua tu’ua le mafutaga e ala i le maliu ma le oti, ona o fa’alavelave ua tutupu mai. “O le tatalo ma le tātālogo a lo tatou Mālō i le atunu’u lautele, ina ia tautuanā le saogālēmū i so’o se nofoaga e afea, i taimi loulouā o le tau. The best ICT Solutions firm in Samoa and the Pacific. “E fa’apea fo’i i le puipuiga fa’alesoifua mālōlōina, i le aga’i mai o le vairasi o le Nipah, lea ua toe alia’e mai. Tautuanā le taulogologo atu a le Soifua Mālōlōina ma le Komiti o Fa’alavelave Fa’afuasei mo le tatou puipuiga. “Auā e sili lava le puipuia, i lo le tau togafitia.”