To’alima sa Taofia mai i se Osofaiga i Piu Falealili

2026-01-27 - 05:12

E toalima sa taofia mai i se osofaiga a leoleo i se maota o le afioaga o Piu, Falealili. Saunoa le Sui Komesina ia Leiataua Samuelu Afamasaga, e toatasi le tamaitai ae toʻafā alii na taofia mai. O le fualaau faasāina o le mariuana sa maua atu i lea maota ma to’esea mai e leoleo. Saunoa le Sui Komesina, “E toalima i latou na taofia mai i Piu Falealii ma o lo’o molia uma i le moliaga o le uumiaina o mariuana.” E i le vā o le 20 i le 50 tausaga o i latou sa molia. O lo’o taofia uma i latou nei i lalo o le vaavaaiga a leoleo e tălia ai le aso e valaau ai a latou mataupu i le Faamasinoga Maualuga. E le o malolo le Matagaluega o Leoleo i le faasologa o osofaiga e taofia ai le sasao o fualaau faasaina i totonu o le atunuu.