Toe Faamalosia Tapenaga a Samoa Atoa mo Faalavelave Tutupu Faafuasei

2026-01-31 - 23:09

Ua iai le fuafuaga alualu mamao a le faigamalo e toe faataatia ma faamalosia ai tapenaga a Samoa atoa mo le tali atu i taimi o faalavelave tutupu faafuasei, lea ua tu’uina atu ai nisi tapenaga tāua e galulue iai Fono Fa’avae a itumalo uma. Ao feagai Samoa ma isi atunuu uma o le lalolagi i suiga ma’ale’ale o le tau, o le talitonuga o le Taitai o le Atunuu – e tatau ona sauniuni ma tapenapena le atunuu ina ia saunia mo soo se taimi e tulai mai ai faalavelave faafuasei. Saunoa le afioga i le taitai o le malo ia Laaulialemalietoa Polataivao Fosi Schmidt o lea fuafuaga e tatau ona faataatia i totonu o le 10 tausaga 2025-2035. “Fauafuaga mo le Tali atu i Faalavelave Faafuasei 2025-2035 poo le National Disaster Management Plan 2025-2035.” “Ua tatou iai i le vaitau o suiga tetele ma’aleale o le tau ma ua toe fai ai le faamalosiga o faiga faavae ina ia puipui Samoa ao tatou iai i i taimi o afā ma matagi malolosi, timuga ma lolovaia ma mea uma faapena..” “E le gata i le taulaga ae o nofoaga uma i le atunuu atoa e aafia ai itumalo uma i nuu i tua.” O ia tapenaga e nafa ma le Matagaluega o Punaoa Faalenatura ma le Siosiomaga ma e aofia ai ma le galuega o le faasopolia o le atunuu atoa i faailoilo e tauala atu i sailini mo taimi o faalavelave faafuasei. “O lea ua faamautu a tatou Fonofaavae e 51 ma o le fautuaga na ave, 51 fono faavae e tatau ona 51 foi faailoilo ma sailini eseese..” Siitia le Tulaga e Alert ai le Atunuu Saunoa le Palemia, ua taumafai foi e faaaoga auala faatekonolosi ina ia mafai lava ona ki atu i le nofoaga tutotonu o Faalavelave Faafuasei i Tuanaimato le NEOC, soo ae faailoilo mo nuu i tua poo soo se mea lava o Samoa. Visit our website today and invest in your future. “Ua faia ia tulaga uma ona o tapenaga e faafaigofie galuega ma ia logona le atunuu atoa i soo se taimi e tupu ai se faalavelave matuia..,” “O le taimi lenei o loo iai le fesootaiga vavalalata e ki lava e le itumalo ia latou faailoilo ma ta logo a nai faifeau, o mea sa tatou amata a’i, peitai e iai le tulaga maualuga ua tatau ona siitia le alert a le atunuu ina ia mafai ona puipui.” The only beer brewed in Samoa Fausia o Nofoaga Tumau mo Sulufaiga: Evacuation Centres O le isi vaega tāua, ia fausia lava e ofisa o Fonofaavae nofoaga tumau e sulufai iai tagata uma o le itumalo pe a aafia i ni mala faalenatura. “Toe lalaga le tulaga lea o le fausia o nofoaga evacuation centers i totonu o itumalo i mea foi ia a faapea e agai le itumalo i mauga maualuluga poo nofoaga maualuluga e tatau ona fausia e le itumalo lava ia lana nofoaga e agai iai le itumalo..” Saunoa le Palemia, o tulaga uma nei e tapena i lalo o tatou fono faavae poo fea e iai tatou auala ‘alo, ma auala sulufai e tatau ona iai nofoaga e malu iai tagata uma o le itumalo pe a oo i taimi o faafitauli. Faalauiloa ma Nofo Malamalama le Atunuu: Awareness O le naunautaiga o le Alii Palemia, ia nofo malamalama tagata uma o le itumalo i gaioiga e tatau ona faatino, aemaise o nofoaga e agai iai pe ā aafia le atunuu. “Ia fesootai Fono Faavae e 51 e una’ia galuega faalauiloa mo le silafia e le atunuu i puipuiga mo soo se taimi lava e tulai mai ai faalavelave faafuasei. Saunoa Laaulialemalietoa, o se tasi lea o manulauti o Fono Faavae, ina ia fai ai aoaoga ma trainings ma drills mo tagatanuu uma.. “E fai uma ai lava vaega e a’oa’o ma faatonutonu ma tapena ai le itumalo, pe afai e tupu le faalavelave o fea e agai iai, ma tapena ai foi vaega o ato, moli uila ma vaega uma e manaomia i taimi o faalavelave tutupu faafuasei.” O le isi vaega ua toe silasila iai le Malo ina ia toe amata faataitaiga i le taulaga i Apia, o le nofoaga o loo toatele le atunuu o loo aumau ai, ma ia toe fai faataitaiga e pei ona masani ai. “E lē o toe mamao ae toe fai a tatou faataitaiga poo drills ia e masani ona fai i le taulaga pe a tupu le faalavelave..” New Stock! At SOS Togafuafua and Salelologa