Tolopo le Faamatuu o le tai $150 tala se’ia mae’a Faigapalota Laiti

2026-02-17 - 01:30

O le fesoasoani tau seleni a le Malo mo le toe fo’i o fanau i aoga ua iai nisi o suiga i le taimi e tatau ona faamatuu ai. Saunoa le afioga i le palemia le Laaulialemalietoa Polataivao Fosi ona o le puipuiga o le malo mai faamatalaga ma tuuaiga, “Talu ai o lea e loloma le faiga filifiliga a Samoa i le vaiaso fou. “Ua manatu ai ina nei avea le faamatuu atu o le 150tala pe a maea na sau i mea ia e faaupu ai o se faatosina a le vaega faaupufai poo le faigamalo “O lea ua manatu ai o le a tolopo le tuuina atu o le 150 i itumalo uma lava seia maea faigapalota laiti a Safata 1 ma Vaisigano2.” O le talitonuga o le taitai o le atunuu; “Ole mea pitoisili lea ona faamaoni ma o le mea pitosili lea ona manatu ai ina nei mea ane foi ua tuu maa ae maa ia au.” Ua faamautu mai ai le aso e tatau ona faasafua ai le seleni. “Ae malilie o le Aso 27 o le masina lenei e faataunuu ai le faigapalota ae o le Aso 28 ile Aso Toanai e sosoo ai faatoa matala ai loa le tatou sa lea o le tuu atu o le tai150 mo tagata uma lava o Samoa atoa. “Lona uiga faatoa tala uma le tai 150tala i le aso 28 o le masina lenei.” Saunoa Laaulialemalietoa o ia fesuiaiga laititi e mo le malu puipuia ma lelei le faamoemoe. “O totonu o le 2 vaiaso lea e faatulaga ai le tufatufaina o le tai150tala e tatalo atu i taitaifono $32.25miliona tala e le o se tupe laititi ae o lea o le a tuu atu i taitaifono o fono faavae uma e latou te lufilufiina. “O lona uiga e tatau ona mataitu lelei le auala e faatino ai.” O lea poloketi saunoa le alii palemia sa faatulaga mai ona o le manaomia o le fesoasoani mo aoga e iai le tai $150tala lea sa talanoa ma pasia e le kapeneta.”