Vaega e lē mafai ona faatupeina e le Poloketi Miliona

2026-02-05 - 10:39

Tusia: Pesetā Tusiga Taofiga, Sooupu a le Malo. I le feiloā’iga a Ta’ita’ifono ma Soā Ta’ita’ifono o Fono Fa’avae o Itumālō Palota e 51 i le atunu’u, na manino ai i le folasaga a le Mālō ia ta’iala, aulape ma aiaiga o le fa’asoaina o lea Atina’e Tele a le Mālō. E tele vala na alia’e mai i le fa’asoaina o lea Polōketi i le nofoā’iga ua mavae atu, aemaise o le fa’amuamua a Ta’ita’ifono i atina’e e fa’atupeina i le Miliona i tausaga ta’itasi. O ni gaioiga ua fa’ailoa manino e le Fa’auluuluga o le Ofisa o le Polōketi Miliona a le Mālō, iā Unasa Viane Toala, e lē toe taliaina ma e ao lava ona fa’ama’oti lelei i totonu o le Ta’iala o nei atina’e, le va’ai mamao ma le silasila lautele a le Mālō na afua ai ona fa’atula’i lenei fa’ama’ite tāua. O vaega tāua nei, ua folasia manino e Unasa, e lē fa’atagaina i totonu o le fa’asoasoaina pe fa’atupeina fo’i e le Polōketi Miliona. • E sā ona fa’atupe ai ni fa’aaloaloga fa’aleaganu’u [lafo ma teutusi] po’o ni tupe fo’i e fai ai fesoasoani i leitiōfoni, se’i vaganā le teutusi na’o le $500 mo le faifeau pe ā valā’aulia na te tatalaina na’o se fa’amoemoe a le Itumālō tauala mai i le Polōketi Miliona. • E lē aiaia ai ni fesoasoani mo ni togafitiga i atunu’u mamao po’o le totogiina o ni pepa malaga mo i latou i galuega fa’avaitaimi i atunu’u mamao po’o malaga mo le Polokalame o Galuega Fa’avaitaimi [R.S.E.]. • Tapu ona fa’atupeina ai ni lā’au malosi • Sā ona fa’atau ai ni ponesi Greenology is Samoa’s leading provider of ICT Solutions! • Sā ona fa’atupeina ai ni pepa fa’atau fua mo taumafa [gift voucher] • E lē mafai ona fa’atupeina ai meāfale pei o televise, masini tāmea, ogāumu, pusa ‘aisa ma isi itu’āiga meāfale. • E sā fo’i ona fa’atupe ai ni fuafuaga e masi’i ai se nu’u • E lē mafai ona fa’atauina ai ni ‘ava malosi ma ni tapa’a • E sā fo’i ona totogiina ai ni aitalafu • E sā fo’i ona fa’atau ai se ta’avale mo le Ofisa Fono Fa’avae • E lē mafai ona fa’atupeina ai se faleā’oga a se Kolisi o se Itumālō • E sā fo’i ona fa’atau ai se fanua po’o le fa’atupeina o se lisi o ni fanua • Fa’atasi ai ma so’o se fa’atauga po’o nisi polokalame e lē fa’atagaina e tusa ma aiaiga o Tulafono a le Mālō o Samoa. Fa’ailoa manino e Unasa, afai ae lē usita’ia e so’o se Itumālō ia aiaiga ua folasia manino, o lo’o i ai le Tulafono e tua i ai le Mālō, e molia ai se tasi ua fa’aāoga fa’aletatau seleni o le Polōketi Miliona. O le faigofie ma le mulimulita’i i Ta’iala ua folasia atu e le Mālō, o le sologa manuia fo’i lenā o le taumafai atu ina ia manuia lenei atina’e tele ua fa’ata’oto atu e le Mālō. Mo le silafia, e iva vaega laulau tetele, o lo’o manino mai, o lo’o fa’atagaina ma o lo’o ‘ave i ai le fa’amuamua a le Mālō i le fa’atupega i lenei Atina’e Miliona. • Soifuaga Manuia Lautele • Soifua Mālōlōina • A’oa’oga • Atina’e Tulaga Fa’aleaganu’u • Fa’ato’aga ma Faigāfaiva • Tulaga o Turisi ma Mata’aga • Atina’ega o Ta’aloga • Si’osi’omaga ma Fesuiā’iga o le Tau • Galuega Tetele O le agaga mauāluga o le Mālō, ia galulue tagata uma, e atia’e ma fausia se tamāo’āiga mautū mo Samoa ma ona tagatānu’u aemaise augātupulaga faimai mo ā taeao.